Kryeministri Rama ka shuar heshtjen sa i takon një debati të fortë që ka ndodhur në orët e fundit pas publikimit të audio-përgjimit nga Federata Shqiptare e Futbollit, e cila ka akuzuar kryebashkiakun Erion Veliaj se po ndërhyn në zgjedhjet e krerëve të Shoqatave. Gjatë videos në fjalë dëgjohet kryebashkiaku, i cili përdor një fjalor aspak etik.
Një ndjekës e ka ngacmuar kryeministrin Rama në lidhje me këtë çështje. Kreu i qeverisë, Edi Rama thotë se i neverit përgjimet e bisedave mes njerëzve që flasin në nje mjedis jo-publik. Për të, nuk mund të merren për bazë asnjeherë askund, as si prova fajësie; as si prova vërtetësie.
Qytetari- Pershendetje zoti Kryeminister audio pergjimi i Erion Veliajt dhe gjuha e kimunikimit qe perdor ai a jane te pranueshme per Kryetarin me te madh te Bashkive te vendit?! Do ket mase disiplinore per zoterin?! Pasi ai ka 1 miljon banore qe i paguajn taksat dhe presin sherbim nga ai!!
Rama- Une i neveris pergjimet e bisedave mes njerezve qe flasin ne nje mjedis jopublik, te cilat sipas meje nuk mund te merren per baze asnjehere askund, as si prova fajesie as si prova vertetesie, sepse tjeter konteksti i nje komunikimi informal pa dorashka, tjeter konteksti i shfaqjes publike se nje pergjimi, prandaj edhe as nuk e kam degjuar fare dhe as kam ndermend ta degjoj, keshtu qe meqe te dhashe tere kete shpjegim tani te lutem plotesoje pyetesorin me opinionet e tua duke klikuar…
Federata Shqiptare e Futbollit, akuzoi kryetarin e Bashkisë Tiranë, Erion Veliaj, se po ndërhyn në procesin për zgjedhjet në Shoqatën Rajonale Tiranë.
Në audion e publikuar nga FSHF, Veliaj dëgjohet duke iu drejtuar anëtarëve të pranishëm me një fjalor jo etik. Ndërkohë, Federata Shqiptare e Futbollit ka shtuar se në lidhje me takimin e zhvilluar ditën e dielë nga Kryetari i Bashkisë së Tiranës, Erion Veliaj, me anëtarët e SHRF Tiranë, do te ndjekë të gjithë hapat ligjorë të nevojshme.
