Ish-kryeministri Sali Berisha ka postuar videon e Presidentit Ilir Meta, dedikuar për kreun e KED, Ardian Dvoranin. Berisha ka shtuar akuzat në drejtim të Dvortanit, duke thënë se ai fshehu 100 milionë lekë pasuri.
“Nje delinkuent, qe prej gjashte vitesh dhunon vendimin e Gjykates Kushtetuese per nderprerjen e mandatit te gjyqtarit te Gjykates se Larte dhe merr rrogen, Dvorani qe fshehu ne veting 100 milione lek, pseudogjykatesi qe per pese vite gjykonte ne panel me djalin e tezes, gjykatesi i korruptuar qe gjykonte per interesa te xhepit ne konflikt interesi, kryeson sot, per llogari te Edvin Mafise, KED.
Vendi i tij eshte para ligjit! Ndiqni videon e cila deshmon se si ky delinkuent theu Kushtetuten dhe ligjet per te kapur Edvin Mafia Gjykaten Kushtetuese! Sb”.
Presidenti Ilir Meta e ka akuzuar Dvoranin si ushtar të partisë, sulme që nisën gjatë procesit të përzgjedhjes së anëtarëve të Gjykatës Kushtetuese nga Presidenti dhe Parlamenti në bazë të listave me kandidatë të radhitur përmes një sistemi pikëzimi nga Këshilli i Emërimeve në Drejtësi.
Pasi dëshmoi mbi padinë e depozituar ndaj Dvoranit, Meta tha se rasti në fjalë është tmerrësisht flagrant dhe Prokuroria duhet të zbatojë ligjin për të mos u ndikuar nga presionet politike.
