Lionel Messi mund të largohet nga Barcelona! Pas largimit të Neymar, duket se edhe superylli i skuadrës katalanase mund t’i japë lamtumirën asaj.
Sipas radios spanjolle “Onda Cero”, Messi nuk do ta nënshkruajë kontratën e re, edhe pse paraprakisht ka një marrëveshje.
Kjo radio raporton se Messi do të largohet verën e ardhshme si lojtar i lirë.
Klubi i Barcelonës ka njoftuar se ka arritur një marrëveshje me Messin për vazhdimin e kontratës deri në vitin 2021, por deri më tani ende nuk është nënshkruar kontrata.
Aktualisht “pleshti” ka kontratë me Barcelonën deri në fund të sezonit, ndërsa në media është përfolur edhe për një transferim të mundshëm të argjentinasit në Manchester City.
