Një skuadër futbolli gjermane është mundur me rezultatin 37 me 0, pasi lojtarët e saj ruanin distancën nga kundërshtarët sepse kishin dëgjuar që disa prej tyre ishin të infektuar me koronavirus.
Ekipi amator Ripdorf, i cili luan në një nga ligat amatore të futbollit gjerman, u “shkatërrua” nga SV Holdenstedt. Por ndeshja u vu në diskutim pas pretendimeve se një lojtar i Holdenstedt kishte pasur kontakte me dikë të rezultuar pozitiv me COVID-19.
Megjithëse klubi i Ripdorf bëri kërkesë në federatë për të shtyrë këtë ndeshje, kërkesa e tyre nuk u mor në konsideratë dhe ata u detyruan të zbrisnin në fushë.
Mirëpo, vetëm shtatë lojtarë të skuadrës pranuan të zbrisnin në fushë, pasi pjesa tjetër refuzoi të luante.
