Shqetësimi më i madh për momentin është nëse do të ketë një rikthim edhe më të rëndë të virusit. Shumë është folur për këtë çështje tejet sensitive, por mjeku Pëllumb Pipero qetëson shqiptarët, se një rikthim i virusit, mund të jetë me pasoja të lehta.
I ftuar në “360 gradë” në RTV Ora, mjeku Pëllumb Pipero u shpreh se nëse ky virus nuk pëson ndryshime gjenetike, dhe një rikthim i mundshëm do të ketë pasoja më të lehta. Ai sërish i mëshon fort faktit se distancimi fizik dhe mjetet mbrojtëse, do të mundësojnë zbutjen e valës së dytë.
“Nëse ky virus nuk pëson ndryshime gjenetike, gjasat janë të vogla që të pësojë, dhe një rikthim i mundshëm do të ketë pasoja më të lehta. Mos harroni se së paku, që kjo epidemi na ka mësuar diçka, që distancimi fizik dhe mjetet mbrojtëse do të mundësojnë zbutjen e valës së dytë”.
