Tirana ka njoftuar Policinë e Shtetit të marrë masat, pasi frika është për ndonjë incident gjatë sfidës së nesërme me Crvena Zvezdën, e cila luhet në kuadër të raundit të dytë të Ligës së kampioneve.
Gjatë sfidës së nesërme, klubi bardheblu ka marrë informacione se disa persona mund të shpalosin një mesazh politik me dron kundër Serbisë.
Një akt i tillë do të penalizonte klubin bardheblu, pasi UEFA ndalon kategorikisht shpërndarjen e mesazheve të urrejtjes me natyrë politike apo raciste.
Ndodhur në këto kushte, 25-herë kampionët e Shqipërisë i kanë bërë thirrje Policisë së Shtetit të marrë masat e nevojshme, për parandalimin e çdo të papriture.
