Sërish nuk ka fitues në përballjen Laçi-Kukësi, por këtë herë ndryshe nga përballja e pak ditëve më parë që u mbyll 1-1, por këtë herë 0-0. Një barazim që u jep nga një pikë të dyja ekipeve në javën e 30-të të kampionatit shqiptarë dhe që kënaq më shumë Kukësin.
Ndërsa Laçi pas disa javëve të zeza në Superiore nuk mund të kënaqet me një pikë, pasi një vend në Europë po bëhet më i vështirë për tu arritur. Pjesa e parë nisi më mirë për Kukësi që kishte një shans të artë për të shënuar, por Selmani bën mrekullinë dhe nuk e lejon topin të përfundojë në rrjetë. Pjesa e dytë flet më shumë në favor të vendasve që janë më agresivë dhe kërkojnë më shumë rrugën e rrjetës. Gjatë një krosimi nga këndi lojtarët e Laçit rrezojnë Gurin në zonë, që ishte një faull i pastër por për arbitrin Kridens Meta gjithçka ishte e pastër dhe lejoi vazhdimin e lojës.
Në 10 minutat e fundit kurbinasit patën 3 raste të pastra shënimi por nuk arritën të gjenin rrugën e rrjetës dhe në fund dolën nga fusha të zhgënjyer, ndërkohë që Kukësi iu kënaq pikës së marrë e cila e ngjiti në kuotën e 55 të tillave, përkohësisht +8 nga Lufëtari i vendit të 3-të.
