Ministrja franceze e Integrimit Amélie de Montchalin ka deklaruar se Franca nuk ka ndërmend që të miratojë automatikisht çeljen e negociatave me Maqedoninë e Veriut dhe Shqipërinë.
Ajo pohoi se do të presin për të parë përparimin e reformave për të dy shtetet.
“Në bazë të progres raportit të ri të vlerësimit të situatës që Komisioni do të publikojë në muajin Mars, ne duhet të shohim nëse kushtet janë përmbushur dhe nëse këto dy shtete kanë bërë përparim të mjaftueshëm në reforma për të filluar bisedimet.
Është jashtëzakonisht e rëndësishme, nëse duam të përgatisim një moment pozitiv në muajin mars që shtetet anëtare të japin shpejt miratimin e tyre për metodologjinë – ose jo dhe në këtë rast ne do të vendosim se çfarë do të bëjmë më pas”, tha ajo.
