Teksa e gjithë vëmendja është te Italia dhe Spanja, Franca i ka habitur të gjithë teksa në dy ditët e fundit ka shënuar 2,475 viktima.
Sipas mediave vendase, më datë 2 prill në Francë janë regjistruar 1,355 viktima, numri më i madh ky i regjistruar ndonjëherë në botë.
Në 24 orët e fundit në Francë janë shënuar 1,120 viktima, duke e çuar numrin total në 6,507.
Kjo është një rritje e lartë për Francën për të cilën deri para ditës së djeshme, dita me më shumë viktima ka qenë 509.
5,233 raste të reja janë shënuar në orët e fundit, duke e çuar në 64,338 numrin total të të infektuarve. Ndërkohë që raste aktive janë vetëm 43,823. Gjithsej në Francë janë shëruar 14,008 persona, ndërsa 6,662 pacientë raportohen të jenë në gjendje kritike për jetën.
