Franca ka ndërmarrë një nismë të re nëpër shkolla, ku nuk lejon që nxënësit të jenë aktivë me aparatet celularë dhe jo vetëm, gjatë procesit mësimor. Ndonëse kjo nismë është parë me shumë skepticizëm, tashmë çdo gjë është bërë realitet. Kjo nismë prek vetëm nxënësit, pasi mësuesit do të jenë të lirë të veprojnë sipas vullnetit të lirë.
Parlamenti francez miratoi ligjin për ndalimin e tyre në shkollat fillore dhe të ciklit të dytë, por për gjimnazet telefonat celulare do të lejohen.
Ndalimi përfshin çdo aparaturë që mund të lidhet me internetin, si telefon, tablet, apo edhe orë.
Ministri i Arsimit, Jean-Michel Blanquer është shprehur se drejtuesit e shkollave do të mundësojnë vendosjen e sirtarëve të posaçëm në hyrje të klasave, për vendosjen e pajisjeve teknologjike.
