Kriza politike në vend ka shqetësuar edhe fqinjët. Ministri i Jashtëm i Italisë, Enzo Moavero Milanesi ka zhvilluar një bisedë telefonike me kryeministrin Rama, si edhe me kreun i PD-së, Lulzim Basha.
Gjatë bisedave telefonike, mësohet se ministri italian ka theksuar rëndësinë për respektimin e rregullave të demokracisë dhe shtetit të së drejtës.
Po ashtu, në kuadër të kundërshtimeve për zhvillimin e zgjedhjeve më 30 qershor, Milanesi tha se është shumë e rëndësishme që të evitohet çdo formë e dhunës dhe mendimet e qëndrimet e gjithsecilit të shprehen në formë demokratike.
Ministri italian nënvizoi se “duhet të sigurohet siguria dhe korrektësia e procesit zgjedhor në Shqipëri”, i cili do të monitorohet edhe nga një mision ndërkombëtar, i udhëhequr nga OSBE-ODHIR, në të cilin bëjnë pjesë vëzhgues nga shumë vende përfshirë edhe Italinë.
