Shuma prej 2500 dollarë është vënë në disponon nga policia amerikane për këdo që jep informacion për vrasësin e të riut shqiptar Grei Frashëri.
https://tiranatoday.com/videoarkivoli-i-mbuluar-me-flamurin-shqiptar-i-jepet-lamtumira-e-fundit-te-riut-flasin-te-afermit/
Ai u gjet i vdekur në një rrugë në Bruklin mbrëmjen e së premtes, ndërsa lajmi është bërë i ditur dje.
Një agjent i shërbimit sekret amerikan tentoi të shpëtonte 23-vjeçarin shqiptar, edhe se ishte jashtë detyrës kur dëgjoi të shtënat me armë në Bruklin.
Ai po kalonte në rrugën ‘Fourth Avenue’, kur pa Grei Frashërin të shtrirë në tokë. Agjenti tentoi të ndihmonte dhe njoftoi menjëherë ambulancën.
https://tiranatoday.com/videofototragjedi-ne-familjen-shqiptare-vritet-i-riu-ja-kush-eshte-ai-emri/
Pavarësisht ndihmës që iu dha, shqiptari nuk mundi të mbijetonte. Ai u shpall i vdekur në spital pak pasi ishte transportuar.
Nuk ka informacione nëse Grei Frashëri kishte konflikte të hapura. Policia është duke hetuar për të zbardhur këtë krim.
“Një agjent i Shërbimit Sekret jashtë detyrës, i dha ndihmën e parë viktimës që u qëllua. Veprimi i tij duhet përgëzuar”, tha Michael Seremetis, agjent policie që po heton vrasjen e 23-vjeçarit shqiptar. Shërbimi Sekret nuk e identifikoi agjentin e saj që i dha ndihmën e parë shqiptarit, për arsye sigurie./TIRANA TODAY/
