Konfirmimet e njëpasnjëshme nga mediat spanjolle dhe italiane e kanë bërë mjaft të besueshëm kalimin e Cristiano Ronaldos nga Real Madridi tek Juventus. Ndërkohë që drejtuesit bardhezinj vazhdojnë punën për të kompletuar këtë transferim, që mund të quhet edhe si goditja më e “çmendur” e shekullit, mediat italiane aludojnë se ylli portugez ka zgjedhur edhe vilën ku do të jetojë.
Në orët e fundit raportohet se Ronaldos i janë prezantuar disa vila në Torino dhe ai ka zgjedhur të jetojë në të njëjtën vilë ku më herët kanë jetuar Zinedine Zidane dhe Fabio Canavaro, në aventurën e tyre bardhezi.
Bëhet fjalë për një vilë luksoze prej rreth 1700 metrash katror, e ndërtuar në një park prej 44 mijë metrash katrorë. Më poshtë janë fotot e vilës ku kanë jetuar Zidane dhe Canavaro dhe pritet që tashmë të jetë rezidenca e Cristiano Ronaldos.
