Javët e fundit kanë qenë mjaft të vështira për Cristiano Ronaldon, pasi është akuzuar për përdhunim nga një modele amerikane, ngjarja e cila supozohet të ketë ndodhur në vitin 2009 në Los Angelos. Por ylli portugez ka hedhur poshtë këto akuza, duke u shprehur se janë njerëz që kërkojë të fitojnë famë duke përdorur emrin e tij.
Por nuk e ka lënë me kaq, pasi ka pranuar të ulet në bankën e të akuzuarve në gjykatë për të mbrojtur veten. Gjithashtu raportohet se do të jenë disa avokatë në mbrojtje të tij. Pas këtyre lajmeve shumë nga ish-të dashurat e Ronaldos kanë reaguar në media duke e mbrojtur atë dhe duke treguar se ai është një xhentëlmen.
Por deklaratat e ish-të dashurave u raportua në media se kanë sjellë probleme në marrëdhënien që ka Ronaldo me Georgina Rodriguezin, pasi kjo e fundit ndjehej xheloze dhe kishte një krisje në çift.
Por që të tregojë si është e vërteta mes çiftit është kujdesur vetë Ronaldo, i cili ka postuar një fotografi në Instagram bashkë me Georginën. Çifti duket shumë i qeshur dhe i lumtur, sikur të mos ketë ndodhur asgjë. Kujtojmë që Ronaldo dhe Georgina kanë një familje prej 6 vetash, por vetëm vajzën e vogël, Ana Marian ylli portugez ka me modelen.
