Një nënë nga Dakota e Jugut, e cila rrahu djalin e saj për vdekje pasi i lagu shtratin është dënuar me 40 vjet burg.
Katrina Shangreaux pranoi se kishte rrahur djalin e saj Kylen, vetëm dy vjeç, me një rrip. Ajo e kishte përplasur në tokë duke e goditur në stomak kur u kthye në shtëpi më 28 korrik 2016 dhe pa që djali kishte lagur shtratin.
Ajo tha për gjykatën se kishte pirë shumë dhe se ishte nën efektin e medikamenteve. Pas vdekjes së foshnjës, Shangreaux dhe nëna e saj, Sonya Dubray, pastruan gjakun dhe u përpoqën të zhduknin çdo shenjë.
Më pas ata telefonuan policinë duke thënë se djali kishte vdekur duke pirë lëng molle. 30-vjeçarja u deklarua fajtore për vrasje të shkallës së dytë dhe u dënua me 40 vite burg.
