Një vrasje me armë zjarri ka ndodhur orët e vona të së hënës në Vlorë. Ngjarja ndodhi rreth orës 23:00 të mbromjes së djeshme, në lagjen Pavarësia, pranë ish-Kombinatit të Peshkut.
Viktima është identifikuar si Vasil Dervishaj , 29-vjeç pronar i një lokali të njohur në këtë qytet. Dyshimet paraprake janë se autorët i kanë bërë pritë.
Dervishaj mësohet se udhëtonte me një makinë Ford, kur u qëllua nga persona ende të paidentifikuar, të cilët gjithashtu lëviznin me automjet.
Policia ka ngritur pika kontrolli dhe po krihet zona, ndërsa grupi hetimor ka nisur punën për zbardhjen e rrethanave të ngjarjes, dhe për identifikimin e kapjen e autorit/ve.
Njoftimi i policisë
Vlorë
Informacion paraprak
Më datë 04.06.2018, në lagjen ”Pavarësia” tek ish-kombinati i peshkut, është vrarë me armë zjarri shtetasi V.D., 29 vjeç, banues në Vlorë.
Janë ngritur pika kontrolli dhe po krihet zona me qëllim kapjen e autorit.
Grupi hetimor ka nisur punën për zbardhjen e rrethanave të ngjarjes, dhe për identifikimin e kapjen e autorit.
