Pasi shkoi në Dover të Anglisë ilegalisht, i fshehur në një kamion, Elidon Habilaj u ka thënë autoriteteve atje se po largohej nga lufta e Kosovës.
Në të vërtetë, ai kishte ikur nga Shqipëria, dhe kishte kërkuar azil duke përdorur një emër të rremë.
Autoritetet i dhanë të drejtën e qëndrimit dhe ai kishte mbajtur një profil të ulët publik. Por pas zbulimit të mashtrimit ai kishte qenë në shënjestër të policisë britanike.
40-vjeçari u dënua në mungesë me 18 muaj pasi fitoi shtetësinë e Mbretërisë së Bashkuar duke gënjyer zyrtarët.
Tani Posta ka zbuluar ish-oficeri i inteligjencës të Agjencisë së Krimeve të Organizuar (Soca) se ndodhet në atdheun e tij në Vlorë.
Ai ka kaluar gjashtë vjet duke iu fshehur autoriteteve të Mbretërisë së Bashkuar për të cilën ai dikur ka punuar – madje mburrej me përvojën e punës së tij me policinë britanike për të fituar punë në Shqipëri.
Ironikisht, Soca tani pjesë e Agjencisë Kombëtare të Krimit, me nofkën e FBI britanike – kishte hetuar Habilajn pa e kuptuar se ishte një nga punonjësit e saj.
Shqiptari arriti në Britani në vitin 1998 dhe pretendoi se ishte një kosovar me emrin Bekim Ademi. Ai tha se vëllai i tij ishte torturuar me vdekje dhe babai i tij u vra gjatë luftës së Kosovës.
Autoritetet britanike i besuan atij, dhe atij iu dha azil i plotë në nëntor 2001, dhe shtetësia pesë vjet më vonë.
Ai u punësua nga Policia Metropolitane dhe më vonë në Soca, ku punoi si një oficer i shërbimit të fshehtë në ekipin e vendndodhjes së tij në Londër, duke ndihmuar në gjetjen e kriminelëve të dyshuar të kërkuar për ekstradim. Më në fund, ai u demaskua pasi u kontrollua dosja e tij dhe u zbuluan një bazë të dhënash.
Kontrollet zbuluan se ai kishte lindur në Shqipëri dhe jo në Kosovë, ai nuk kishte vëllë por babai i tij ishte gjallë dhe jetonte në Vlorë.
Pasi ai u arratis para gjyqit, gjyqtari Martyn Zeidman QC lëshoi një urdhër arrest për Habilajn nëse ai gjurmohej. Urdhëresa mbeti ligjërisht në fuqi derisa i dyshuarit të kapen ose të kthehen vullnetarisht për t’u përballur me drejtësinë.
Habilaj u gjykua më pas në mungesë dhe u burgos nga Gjykata Crown Snaresbrook në janar 2013, pasi u dënua për marrjen e lejes për të hyrë ose për të qëndruar në Britani të Madhe me anë të mashtrimit.
Gjykatësi Simon Wilkinson tha: “Ai pretendonte të ishte kosovar, por ai ishte një shqiptar i cili krijoi tregime për mizoritë për të ndjellë simpati”.
Por ai ka shmangur me sukses autoritetet britanike dhe këtë javë e kemi gjetur atë duke mbikëqyrur ndërtimin e një hoteli që ai menaxhon në periferi të Vlorës.
Ai gjithashtu e shfaqi veten si një ‘konsulent i pavarur i sigurisë’ dhe mburret tek vendasit për kohën kur ai ka punuar për policinë britanike – pa zbuluar se si koha e tij në Britani u bë një fund i papritur.
Kur u kontaktua nga Daly Mail, Habilaj me zemërim kërkoi: ‘Kush të ka dërguar? Kush ishte ai që të solli këtu? ‘ Ai më pas urdhëroi një prej punonjësve të tij të ndërtimit që të na nxirrnin jashtë ambienteve.
Tani ai është bërë baba dhe Habilaj mburret online se ai ka një diplomë dhe master në kriminologji.
Në një post të shkruar në shqip dhe postuar në “Facebook” në 2015, ai përshkroi se si punoi për “agjencinë më të lartë britanike kundër krimit për gati dy vjet”.
Ai shtoi: “Para kësaj, punova për Policinë Metropolitane në Londër në qendrën e saj prestigjioze të Scotland Yard. Është një organizatë e përkushtuar ndaj përsosjes dhe profesionalizmit. Unë kam qenë një prej tyre i aftë për të bërë punën, rekrutuar për arritjet e mia akademike në fushën e kriminologjisë “.
Një zëdhënës i Agjencisë Kombëtare të Krimit tha: “Ne vazhdojmë të punojmë me Zyrën e Shtëpisë në lidhje me këtë rast”.
Burimi: Daily Mail
Përshtati: Tirana Today
