Katër shqiptarë janë burgosur pas një hetimi të gjatë dhe mbi to rëndon akuza e trafikimit dhe shitjes së lëndëve narkotike si dhe kondrabandimi i paligjshëm i njerëzve. Policia e Thames Valley, më 13 shkurt, kreu një numër aksionesh, duke synuar e kontrolluar lejet e makinave si dhe një numër të pronave banesore.
Ndërsa personat u arrestuan falë një hetimi të gjerë për të goditur një Grup të Krimit të Organizuar që vepronte në Milton Keynes të cilët besohej se kishin të bënin me drogë të klasit A, si dhe potencialisht ishin të përfshirë në dërgimin e paligjshme të njerëzve në Britani.
Operacioni, i quajtur “Scar”, çoi në një numër arrestimesh dhe një numër njerëzish tani janë dënuar e të tjerë prite të dënohen.
Njëri prej shqiptarëve të dënuar është Klivis Kukaj, 21 vjeç, me qëndrim në Shackleton Place në Oldbrook, i cili u akuzua më 14 shkurt për posedim dhe trafikim të drogë të klasit A, kryesisht të kokainës.
Kukaj u arrestua në Milton Keynes në tetor të vitit të kaluar pasi oficerët ndaluan një makinë që po udhëtonte dhe gjatë kontrollit gjetën një sasi droge të klasit A, dhe për këtë sasi lënde narkotike u akuzua edhe Jetmir Nokabin.
Kukaj u deklarua fajtor nga Aylesbury Croën Court më 22 maj dhe u dënua me pesë vjet e gjashtë muaj burg. Pas këtij dënimi me burg, Kukaj pritet të deportohet në Shqipëri.
Jetmir Nokab, 29 vjeç, banues në Abbotsfield në Eaglestone, u akuzua më 14 shkurt për posedim me qëllim furnizimin me drogë të klasit A, kryesisht kokainës.
Nokab u arrestua në Milton Keynes në tetor të vitit të kaluar pasi oficerët ndaluan një makinë që po udhëtonte dhe gjatë kontrollit ata gjetën një sasi droge.
Ai u deklarua fajtor në Aylesbury Croën Court më 22 maj dhe u dënua me katër vjet e shtatë muaj burg. Pas këtij dënimi me burg, Nokab pritet të deportohet në Shqipëri.
Alfred Pjeternikasi, 34 vjeç, nga Shackleton Place në Oldbrook, u akuzua më 14 shkurt për posedim me qëllim të furnizimit të drogës së klasës A dhe të klasës B, pra kokainës dhe kanabisit.
Pjeternikasi u arrestua pas një urdhri në Milton Keynes në muajin shkurt. Ai u deklarua fajtor në Aylesbury Croën Court më 22 maj dhe u dënua me tre vjet burg. Pas këtij dënimi me burg, Pjeternikasi pritet të deportohet në Shqipëri.
Agron Ulndreaj, 45-vjeç banues në Rillington Gardens, Emerson Valley, u akuzua më 14 shkurt për komplot për të lehtësuar emigracionin e paligjshëm.
Ai u deklarua fajtor në Aylesbury Croën Court më 30 maj dhe u dënua me dy vjet burgim. Ndërmjet 28 qershorit të vitit të kaluar dhe 14 shkurtit të këtij viti, Ulndreaj u gjet se kishte bërë komplot për të kryer akte që do të lehtësonin shkeljet e ligjit të emigracionit.
Një numër i caktuar i shtetasve shqiptarë po përgatiteshin të trafikoheshin nga Belgjika në Britani të Madhe.
Përveç kësaj, 18 persona u kaluan në shërbimet e Imigracionit për t’u dëbuar si rezultat i Operacionit Scar, dhe aktualisht 2 persona mbeten nën hetime në lidhje me veprat e drogës.
Këto arrestime, akuza dhe dënime të mëvonshme kanë të bëjnë me urdhër-mandate, kërkime dhe një hetim kompleks të kryer nga Policia e Thames Valley si pjesë e fushatës së Stronghold që synon të luftojë krimin e organizuar.
Burimi: miltonkeynes.co.uk
Përshtati: Tirana Today
