Dy persona janë të akuzuar për vrasjen e një shqiptari në Australi. Ai u vra në shtëpinë e tij në Para Vista. Ndërsa për këtë ngjarje të rëndë priten arrestime të mëtejshme.
Trupi i shqiptarit Vrim Gjabrri, 46 vjeç, u gjet brenda shtëpisë që kishte marrë me qira më 12 tetor. Policia pohon se ai u vra tri ditë para se të gjendej i pajetë në banesë. Një burrë i identifikuar si Aaron Donald Carver u ekstradua në Adelaide pasi u akuzua për vrasje.
https://tiranatoday.com/e-shqiptarit-ne-australi-shkak-biznesi-i-tij-fitimprures/
Ndërsa në këtë vrasje është e përfshirë edhe një vajzë e re e identifikuar si Bridie McCormack. Ajo akuzohet se ka ndihmuar kriminelin. Më tej të dy në bashkëpunim kanë trafikuar kanabisin e marrë në shtëpinë e shqiptarit.
Masa e sigurisë
Prokuroria ka dhënë masën e sigurisë “arrest shtëpie” për Bridie McCormack. Ajo u mbështet nga prindërit e saj në sallën e gjyqit. Babai i saj tha se me McCormack ishte “vepruar mirë” kur ai u largua nga salla e gjyqit.
Ajo do të paraqitet përsëri në gjyq javën e ardhshme. Dy të rinjt 23 vjeçari dhe 20 vjeçarja u arrestuan të martën në një shtëpi në Murray Bridge. Detektivi i Departamentit Des Bray, tha se një ekip i madh detektivësh kanë kryer kërkime në Australinë e Jugut.
“Detektivët janë të bindur për arrestime të mëtejshme dhe hetimet do vazhdojnë,” tha ai. Në vendin e ngjarjes detektivët kishin gjetur një cigare. Në rezultati i ADN-së rezultoi pozitiv dhe u zbulua se cigarja i përkiste Carverit.
Shtëpia, ku u gjet trupi i pajetë i shqiptarit thuhet se përdorej si një shtëpi ku rritej kanabis. Natën e krimit makina e të ndjerit ishte marrë nga kriminelët.
Makina tip “Mazan”, gri prodhim vitit 2006 gri u gjet në një rrugë aty afërt. Më tej thuhet se Carver ishte pjesë e një grupi kriminal me bazë në Murray Bridge. Ai ishte i shpallur në kërkim nga CCTV./TIRANA TODAY/
