Një 12-vjeçare nga qyteti i Durrësit është larguar nga banesa. E mitura që nuk është kthyer në shtëpi prej ditës së djeshme, është nxënëse në klasën e pestë.
Kallëzimi në Komisariatin e Policë është bërë nga prindërit të cilët deklarojnë se nuk kanë konflikte me persona të tjerë.
Policia e Durrësit, ka dhënë karakteristikat e saj, si dhe një foto që mund të vijnë në ndihmë për gjetjen e saj.
“Sipas deklarimeve të familjarëve shtetësja e humbur është rreth 125 cm e gjatë, me flokë të gjata ngjyrë gështenjë dhe ka të veshur një xhup ngjyrë gri të shkurtër, streçe ngjyrë gri dhe atlete ngjyrë të kuqe dhe gri”, njofton policia.
Gjithashtu, Drejtoria Vendore e Policisë Durrës kërkon bashkëpunimin e qytetarëve që për çdo informacion që mund të disponojnë të telefonojë në numrin pa pagesë 112 ose 129.
