Në një kohë kur anëtarët e Gjykatës Kushtetuese janë mbledhur për të dhënë vendimin mbi dekretin e Presidentit Thaçi, për formimin e qeverisë së re, simpatizantë të Vetëvendosjes dolën sot në protestë.
Qytetarët u mblodhën në atë që është quajtur “test-protestë”, ndërsa kanë respektuar distancën.
Test-protesta u organizua në prag të vendimit të Gjykatës Kushtetuese, për dekretin e presidentit Hashim Thaçi, për mandatarin për formimin e qeverisë.
Kryeministri në detyrë Albin Kurti, nga ballkoni i Qeverisë ka përshëndetur të gjithë protestuesit, një veprim që është pritur me duartrokitje.
Protesta u organizua si shenjë pakënaqësie ndaj Gjykatës Kushtetuese.
Qytetarët kanë brohoritur dhe thirrur emrin e kryeministrit në detyrë, Albin Kurti.
Ky tubim që është quajtur “test protesta numër 2”, është thirrur nga Vetëvendosje.
