Një rast i rëndë ka ndodhur në rajonin e policisë në Lushnje, ku mësohet se është dhunuar një pedagog, pasi kishte bërë një kallëzim për rrugën e bllokuar para shtëpisë së tij.
Rastin në fjalë e përcjell qytetari digjital, në faqen zyrtare të facebook-ut të ish-kryeministrit Berisha. Qytetari i cili ankohet, i bën me dije Berishës se ditën e shtunë, ai i ishte drejtuar komisariatit të Lushnjes për të bërë një kallëzim, kjo pasi i ishte bllokuar rruga që shkonte në banesë.
Ai thotë më tej se është përballur me një situatë aspak normale, ku sapo ka hyrë në ambientet e komisariatit, është dhunuar barbarisht. Jo vetëm kaq, por është tërhequr zvarrë për 20 metra. Qytetari shton më tej se personi që e ka dhunuar është Bledar Levonja, me pozicion polic krimesh.
