Shqiponja dykrenare e bërë nga Anxhela Peristeri në një nga daljet e saj para paraqitjes në “Eurovision” , ka shkaktuar rebelimin e serbëve.
Tejet të indinjuar me gjestin nga ana e këngëtares shqiptare, i kanë dedikuar një artikull, dhe sipas “Novosti-t”, ky veprim është cilësuar si provokim. Media serbe e ka hapur artikullin duke thënë se një skandal i madh po ndodh në Eurovision, ku nga ana e këngëtares është bërë simboli i Shqipërisë së Madhe.
“Skandal në Eurovision: Simboli i Shqipërisë së Madhe, një provokim i turpshëm para gazetarëve”, ishte titulli i medias serbe.
Në artikullin e “Novosti-t” thuhet se në prag të mbajtjes së natës gjysmëfinale të “Eurovisionit”, ndodhi një skandal.
“Përfaqësuesja e Shqipërisë, Anxhela Peristeri dhe bashkëpunëtori i saj dolën para shtypit, dhe treguan simbolin e Shqipërisë së Madhe, të ashtuquajturën “shqiponja dykrenare” në mënyrën shqiptare. Ju kujtojmë se “Eurovision”, në parim ndalon promovimin politik në veprimtarinë e saj”, thuhet ndër të tjera në artikull.
Anxhela Peristeri do të përfaqësojë këtë vit Shqipërinë në “Eurovision” me këngën “Karma”. Anxhela do të ngjitet në skenën e madhe të “Eurovision” në natën e dytë, në datë 20 maj dhe do të jetë e 11-ta në radhë për të kënduar.
View this post on Instagram
View this post on Instagram
