Protesta e opozitës ka nisur me shpërndarjen e luleve nga disa të rinj protestues, të cilët ua zgjatën policëve. Këta të fundit i kanë refuzuar ato, duke i hedhur në tokë.
Por, ky gjest thuajse nuk është ndjerë, pasi menjëherë shpërtheu dhuna, ndërsa u përdorën edhe bomba tymuese nga ana e policisë, për të shpërndarë protestuesit.
Nga gazi lotsjellës kanë pasur probleme edhe efektivët e policisë që kanë qëndruar tek Kryeministria. Ndërsa deri më tani raportohet për 6 të lënduar, mes tyre gazetarë, policë e qytetarë të thjeshtë.
