Kabineti qeveritar i Malit të Zi, është mbledhur sot zyrtarisht për herë të parë pas miratimit nga parlamenti.
Ajo çfarë ka rënë në sy, ka qenë thjeshtësia dhe modestia e kryeministrit dhe 12 ministrave.
Zdravko Krivokapiç edhe pse tashmë është kryeministër i vendit, shkoi me taksi në ditën e parë të punës. Disa prej ministrave kanë ndjekur të njëjtin trend.
Ndërkohë, disa anëtarë të tjerë të kabinetit kanë qenë edhe më modestë pasi pavarësisht një dite me shi në Podgoricë, ata kanë ardhur në këmbë dhe me një çadër.
Anëtari i vetëm shqiptar i kabinetit, zv.kryeministri, Dritan Abazoviç ndryshe nga kryeministri e ministrat u paraqit me një automjet tip ”Audi”.
