Lëkundjet e njëpasnjëshme të tërmetit kanë shkaktuar edhe dëme materiale.
Nga informacionet paraprake, raportohet se një pallat në qytetin e Durrësit është çarë në dysh si pasojë e tronditjeve të forta. Banorët që përjetuan këtë situatë paniku, e cilësuan një moment të tmerri.
Po ashtu, lëkundjet kanë shkaktuar dëme edhe në stadiumin “Selman Stërmasi”. Nga pamjet e siguruara evidentohen muret e stadiumit që shfaqen të dëmtuara. Raportohet se ndeshja ndaloi për disa momente.
