Të ftuar në emisionin “Open”, gjatë debatit mes zëvendës-kryeministrit Erion Braçe dhe avokatit Spartak Ngjela pati një episod mjaft interesant. Ishte Ngjela që kritikoi Braçen për pamjen e tij duke e quajtur jo serioze. Pas kritikave, Braçe ka reflektuar dhe ka shkuar tek berberi për të bërë ndryshimin e papritur.
Zëvendës-kryeministri ka postuar në rrjete sociale një foto me berberin dhe shkruan se e ka bërë këtë ndryshim pas vërejtjes së Ngjelës.
“Pas vërejtjeve për pamjen jo serioze dje duke nisur nga vërejtja e avokat Ngjelës, sot tek mjeshtri për të ndryshuar dhe respektuar të gjithë, mjeshtrit punëtorë së pari”, shkruan Braçe.
