Ndërkohë që në Shqipëri është hapur debati për legalizimin e kanabisit, një shqiptaro-amerikan e mbjell dhe e tregton atë publikisht.
Bëhet fjalë për aktorin e njohur, Jim Belushi.
Ai bashkëpunon me kompani të mëdha kanabisi, për të krijuar partneritete më kultivuesit, prodhuesit dhe shitësit me pakicë e kështu për të bërë të mundur që marka “Blues Brothers” të bëhet kombëtare dhe ndërkombëtare.
Së fundmi, në profilin e tij në rrjetin social, Instagram Belushi postoi një foto të një vajze e cila merrej me korrjen e kanabisit, dhe shkruante se ishte krenar për ekipin me të cilin punonte.
Jim Belushi është shprehur më herët se kultivimin e bën për shkak të përfitimeve që ajo jep në mjekësi.
