Ka nisur tashmë protesta e opozitës së bashkuar, teksa po marshohet drejt Kryeministrisë. Protestuesit kanë sfiduar shiun, teksa janë mbledhur më herët, ndërsa tashmë moti duket se ka favorizuar protestën.
Flakadanë të shumtë janë ndezur teksa marshohet drejt Kryeministrisë me një banderolë të madhe ku shkruhet “Qeveri e krimit”.
Ajo që përbën një risi tashmë është prania e flamujve politikë, pikërisht të Partisë Demokratike, ndryshe nga të gjitha protestat e mëparshme të opozitës së bashkuar. Ndërkohë, bie në sy mungesa e flamujve të LSI-së.
Po ashtu, mësohet se janë shpërndarë edhe ushqime për protestuesit, teksa kemi të bëjmë me një skenar të paparashikueshëm, pasi kjo është protesta e parë që zhvillohet pasdite dhe nuk dihet sa do zgjasë.
