Një aksident i rëndë ka ndodhur në Itali ditën e djeshme, si pasojë e të cilit ka mbeturi vdekur një 42-vjeçar shqiptar.
Mediat italiane bëjnë të ditur se viktima është Mentor Çarkaxhia, banues në Bondeno në provincën e Ferrara.
42-vjeçari i cili po udhëtonte me një makinë Chevrolet, është përplasur kokë më kokë me një tjetër makinë Peugeot, që përfundoi përmbys në korsinë tjetër të rrugës. Policia raporton se brenda makinës tjetër ndodhej një burrë 41 vjeç dhe një grua 46 vjeçe, të cilët janë dërguar në spital dhe ndodhen në gjendje të stabilizuar shëndetësore.
Zjarrfikëset kanë ndërhyrë menjëherë pas ngjarjes, duke bërë të mundur nxjerrjen e çiftit nga makina dhe gjithashtu nxjerrjen e trupit të pajetë të shqiptarit.
Në vendngjarje është dërguar edhe një helikopter për të transportuar të plagosurit në spital, por për 42-vjeçarin nuk mund të bëhej asgjë, pasi ai kishte mbetur i vdekur në vend.
