Një sasi droge me vlerë 44 milionë lira turke është sekuestruar nga policia turke në Stamboll. 1.2 ton drogë kanabis e modifikuar gjenetikisht nga Shqipëria dhe 550 mijë pilula droge ekstazi, të trafikuara nga Holanda u zbulua në një depo në Eyüpsultan, ku në pranga ranë 7 persona, të gjithë shqiptarë.
Policia turke që kishte marrë informacione paraprake, ndoqi një makinë që u fut në pikën kufitare Kapikule më 29 prill. Më pas, kontrollet u zhvendosën në një depo. Pas kësaj, nisën arrestimet. Shqiptarët e arrestuar janë: S.A. 25-vjeç, S.D. 34-vjec, E.H. 43, G.A. 34, S.G. 32, M.E. 39 dhe S.S.Ç. 37-vjeç.
“Haberler” shkruan se droga ishte fshehur në mesin e thasëve të ushqimeve për kafshë, ndërsa shqiptarët u arrestuan në dy operacione të ndara. Gjatë operacionit për sekuestrimin e kanabisit hibrid, u arrestuan katër shqiptarë.
Lënda narkotike ishte transportuar me kamion për në një depo në Eyüpsultan, ku edhe u gjet sasia e madhe e drogës, vlera e të cilës është 44 milion lira turke.
