Izolimi i vendit nga përhapja e koronavirusit ka bërë që në mes të tjerash të anulohen edhe festimet e sotme për “Ditën e Verës”.
Kjo ditë feste ka qenë ndryshe edhe për kryetaren e LSI-së, Monika Kryemadhin, të cilën e ka gjetur duke hekurosur rrobat në shtëpi.
Përmes një postimi në Facebook, Kryemadhi ndan një mesazh me qytetarët, që në këto kohë të vështira të ndalojnë dhe të vlerësojnë ngrohtësinë familjare.
Postimi i plotë:
Ditën e verës e festojmë ndryshe këtë vit. Një përshëndetje për të gjitha gratë, nënat, gjyshet, që i janë dedikuar me orare të zgjatura gjatë këtyre ditëve të qëndrimit në shtëpi, higjienës dhe mirëqenies së përgjithshme të familjes.
Gjendja e krijuar prej ndryshimit të rrjedhës normale të jetës ka krijuar ndjenja pasigurie, por ndërsa marrim masat e duhura dhe lutemi për më të mirën, le të ndalojmë për të vlerësuar ngrohtësinë familjare dhe mundësinë për të kaluar sa më shumë kohë pranë.
Të kujdesemi për familjen, të kujdesemi për njëri-tjetrin dhe bashkë do t’ja dalim.
