Shtetasi nga Irani, Danial Kassrae, 29 vjeç është shpallur i padëshiruar nga autoritetet vendase dhe pritet të dëbohet drejt Italisë në orët në vijim.
Top Channel ka arritu të sigurojë foton e 29-vjeçarit me kombësi iraniane dhe me shtetësi italiane. Ai dyshohet se është agjent me veprimtari spiunazhi i infiltruar nga Ministria e Inteligjencës Iraniane.
Sipas raportit të Agjentëve të anti-terrorit ky shtetas është klasifikuar si një person i rrezikshëm dhe që cenon sigurinë publike.
Bëhet me dije se Kassrae është shfaqur shpesh herë në kampin e Muxhahedinëve në Manzë të Durrësit. Për llogari të shtetit të Iranit, Kassrae ka tentuar të rekrutojë ish-anëtarë të MEK apo anëtarë aktual të kësaj organizate.
