Mediat e Maqedonisë së Veriut kanë publikuar pamje të reja të helikopterit që u rrëzua në aeroportin Ndërkombëtar të Shkupit, më herët ditën e sotme.
Mësohet se helikopteri i përkiste ministrisë së Punëve të Brendshme në Maqedoninë e Veriut. Brenda tij ndodheshin pesë persona, prej të cilëve njëri është lënduar.
Ishte zv.ministrja e Punëve të Brendshme, Sllavjanka Petrovska ajo që e konfirmoi rastin, teksa sqaroi se asnjë prej personave që ndodheshin në bord nuk është lënduar rëndë.
Sipas “Alsat”, arsyeja e rrëzimit të helikopterit është bërë era e fuqishme. Pasi është furnizuar, helikopteri ka tentuar të ngrihet në ajër por për shkak të erës së fortë është rrëzuar.
Kujtojmë se ngjarja u regjistrua paraditen e sotme rreth orës 11:30.
