Moti i keq ka pushtuar të gjithë vendin duke sjellë ulje të ndjeshme të temperaturave e rikthim të reshjeve të borës thuajse në të gjithë Shqipërinë.
Ndërkohë, mbrëmja e kaluar është shoqëruar me erëra mjaft të forta në Lezhë, por edhe në Pukë, ku ka pasur probleme me rrjetin elektrik në të dyja rrethet.
Po ashtu, një kamion është përmbysur në urën e Milotit për shkak të erërave të forta. Fatmirësisht nuk ka pasur persona të lënduar. Policia ka shkuar në vendin e ngjarjes dhe ka kryer veprimet procedurale e hetimore.
