Kryeministri Edi Rama, ishte mbrëmë i ftuar në emisionin “Zonë e Lirë” të gazetarit Arian Çani. Kreu i qeverisë kishte hyrë live në rrjetin e tij social “Facebook”. Një praktikë kjo që ndiqet vazhdimit nga kryeministri kur është nëpër takime dhe intervista. Nga ana tjetër kjo është dhe një mundësi për të gjithë fansat e tij për ta ndjekur live.
Një prej ndjekësve të intervistës së Ramës, përmes linkut që kreu i qeverisë kishte shpërndarë në “Facebook”, duket se ka qenë edhe Pandeli Majko.
Ky i fundit ka bërë edhe një koment, ku ka dërguar një emoji ku sytë kanë formë zemre.
Nuk dihet nëse Majko e ka bërë gabimisht këtë koment apo në entuziazëm e sipër ka vendosur të lerë gjurmë.
