Kreu i Partisë Demokratike, Lulzim Basha, së bashku me ish-kryeministrin Berisha dhe përfaqësues të tjerë të selisë blu, kanë mbërritur në Bulevardin “Dëshmorët e Kombit”.
Në nisje të protestës, ata janë ulur këmbëkryq, së bashku me qytetarë të shumtë që kanë mbërritur para Kryeministrisë për t’i mbështetur.
Prej më shumë se një muaji, partitë opozitare kanë thirrur shqiptarët në protestë në kryeqytet për të rrëzuar kryeministrin Edi Rama dhe për t’i hapur rrugë krijimit të një qeverie tranzitore që do të përgatisë vendin për zgjedhje të parakohshme parlamentare, që sipas opozitës do t’i hapë vendit rrugën e integrimit.
Ndërkohë, Rama ndodhet në Vlorë, ku po zhvillon një takim me qytetarë.
