Menjëherë pas përfundimit të mbledhjes së kryesisë së LDK-së, janë bërë publike edhe emrat që do të përbëjnë kabinetin e ri qeverisës në Kosovë.
Përmes një konference për shtyp, Avdullah Hoti ka treguar emrat e zyrtarëve që do drejtojnë dikasteret përkatëse.
Në postin e zëvendës kryeministrit do të vendoset Driton Selmanaj, ndërsa Agim Veliu do të rikthehet në postin e ministrit të Brendshëm.
Emrat dhe postet e ministrave të LDK-së
Driton Selmanaj – Zëvendëskryeministër
Hykemte Bajrami – Ministër i Financave
Anton Quni – Ministër i Mbrojtjes
Vlora Dumoshi – Ministre e Kulturës, Rinisë dhe Sportit
Agim Veliu- Ministër i Punëve të Brendshme
Arban Abrashi- Ministër i Infrastrukturës dhe Ambientit
Armend Zema j – Ministër i Shëndetësisë
Besian Mustafa – Ministër i Bujqësisë
Ndërkohë, nesër në orën 11:00 do të mbahet seanca e Kuvendit ku pritet të votohet formimi i qeverisë së re. Nga ana tjetër, Lëvizja Vetëvendosje ka filluar sot me mbledhjen e firmave për peticionin që ka kërkesë mbajtjen e zgjedhjeve të parakohshme parlamentare.
