Presidenti Meta, teksa kujtoi debatet për Reformën në Drejtësi kur ai ishte kryetar i Kuvendit, ka zbuluar edhe telefonatën me Xhafajn. Ai deklaroi në “Open”, se kur ishte arritur konsensusi, pritej që të mblidhej Komisioni i Reformës në Drejtësi, që ta zyrtarizonte. Por ai po vonohej. Kreu i Shtetit solli në fokus një telefonatë që kishte kryer me Fatmir Xhafajn, i cili ia kishte kthyer me kode. Ndodhur në ato kushte, Meta kishte thërritur ambasadorët e BE dhe SHBA. Në atë takim, vetëm Rama nuk kishte shkuar.
“Mora në telefon Fatmir Xhafajn, i cili mezi ma hapi, dhe i kërkova sqarim se çfarë po ndodhte. Më tha: “Fol me Rrugën e Elbasanit”. Kjo ishte e papranueshme për mua. Atëherë i thirra ambasadorët e BE dhe SHBA, dhe i kërkova që të vinin në zyrë Lul Basha që ishte në Bashki, dhe Edi Rama kryeministër.
Nga të gjithë, vetëm Rama nuk erdhi. I thashë Bashës se çfarë kërkonte. Më tha vetëm atë nenin që ia kishte njohur Komisioni Venecias. Unë kërkova që meqë ia kishte dhënë Venecia, ajo të rregullohej.
Atëherë i thashë Donald Lu-së që të bënte një deklaratë që “Rama po vonon Reformën në Drejtësi”. Ai u zu ngushtë, dhe më pas ndodhi ajo që ndodhi dhe të gjithë e votuan reformën”, shtoi Meta.
“Do jem i qartë për cilindo vagabond kombëtar”, Meta jep paralajmërimin e radhës
