Kryeministri Rama, përmes shifrave shprehet se numri i turistëve gjermanë në vendin tonë është rritur ndjeshëm. Sipas postimit të Ramës në Facebook, Shqipëria në periudhën janar-korrik është vizituar nga 100.000 turistë, përkundrejt 52 mijë në të njëjtën periudhë vitin e kaluar.
Një ditë më parë, Rama bënte me dije se numri i turistëve francezë është dyfishuar gjatë periudhës janar-korrik krahasuar me një vit më parë. Sipas tij, në vitin 2022 Shqipëria është vizituar nga 38.915 turistë, ndërsa një vit më parë në vendin tonë kanë hyrë 19.184 francezë.
Ja se çfarë shkruan Rama
Mbi 100.000 turistë gjermanë e kanë vizituar në këta shtatë muaj vendin tonë, përkundrejt 52 mijë në të njëjtën periudhë vitin e kaluar.
Mediat gjermane vijojnë traditën e mirë të promovimit të Shqipërisë, ku këtë herë gjiganti “Die Zeit” i kushton një artikull rivierës shqiptare, florës e faunës.
