Studentët e Universitetit Bujqësor të Tiranës protestuan paraditen e sotme për rritjen e çmimeve. Ata u nisën në këmbë nga godina e tyre në Kamëz drejt hyrjes së kryeqytetit. Ata mbërritën në Sheshin Skënderbej, ku më pas u shpërndanë.
“Kështu e pamë të arsyeshme. Thirrjet tona i drejtohet institucioneve. Nuk jemi ne në luftë, është Ukraina”, tha një student.
Aktori i njohur i humorit, Florjan Binaj, ka reaguar në lidhje me protestën që kanë zhvilluar sot studentët e Universitetit Bujqësor të Tiranës.
Përmes një mesazhi në rrjetet sociale, Binaj thekson me ironi se 7 makina policie ndjekin studentët, sikur të ishin keqbërës.
“7 makina policie për studentë të pafajshëm, sikur po ndjekin keqbërës”.
