Ambasadorja e SHBA në Tiranë Yuri Kim në konferencën e organizuar nga Dhoma Amerikane e Tregtisë, theksoi se shqiptarët kanë nevojë për vizion.
Kim i mëshoi faktit se populli shqiptar do rezultate dhe jo ofendime.
“Rritja e mundësive të biznesit është një nga prioritetet e mia në kohën që do të shërbej. Klima politike, konkurrenca e padrejtë dhe korrupsioni janë tri prioritetet që unë kam në Shqipëri.
Secila prej këtyre ndikohet nga korrupsioni. Pra në vend që të caktojmë se i kujt është faji, populli shqiptar do rezultate dhe jo ofendime. Shqiptarët kanë nevojë për vizion”, u shpreh Kim.
Kujtojmë se pak më herët, ambasadorja zhvilloi një takim me Kryetarin e Kuvendit, Gramoz Ruçi.
Gjatë takimit u diskutua mbi ecurinë e Reformës në Drejtësi, të Reformës Zgjedhore dhe për shpejtimin e plotësimit dhe bërjes funksionale sa më shpejt të Gjykatës Kushtetuese dhe Gjykatës së Lartë.
