E bija e Agur Vrenozit, i cili u vra teksa ndërhyri për të ndaluar grabitësit e armatosur, ka folur për të atin, pas vdekjes së këtij të fundit.
Denisa shprehet për TCH se i ati i saj e mbylli jetën ashtu siç kishte jetuar, duke bërë vepra të mira për të tjerët: “Ishte një person shumë altruist që sakrifikonte gjithçka për ne. Ishte si shok. Kishte një rreth miqësor të madh, shumë shakaxhi dhe me shpirt shumë të madh. Dha jetën për të tjerët”.
E bija e Agurit, e cila është juriste me profesion, kërkon drejtësi për të atin, ndërsa ngushëllimi i vetëm për ndarjen para kohe nga jeta është sakrifica e tij e fundit.
“Unë shpresoj shumë që ta tregoj me kalimin e kohës gjithçka kam trashëguar nga ai, sidomos motra vëllezërit se ata janë shumë të vegjël nuk e kuptojnë shumë, por do ta mbajnë mend babin si hero. Ai vdiq si hero”, thotë Denisa.
Një shok u Agurit shprehet mikun e tij se kjo ishte një fatkeqësi shumë e rëndë:
“Ishte një njeri i rregullt, korrekt. I respektueshme me shoqërinë. Ishte fatkeqësi shumë e rëndë që nuk di çfarë të them”.
Të premten, 54-vjeçari hyri në pikën Exchange, e cila po grabitej duke goditur me karrige grabitësit, për t’i ardhur në ndihmë shokut të tij, pronarit të Exchange-it. Por, grabitësit kanë reaguar duke e qëlluar me armë në kokë Vrenozin, i cili nuk ka mundur të mbijetojë.
Aguri lë pas bashkëshorten dhe 4 fëmijë, dy djem e dy vajza.
