Pas dorëheqjes së Fatmir Xhafajt nga ministër i Brendshëm, emri i propozuar nga kryeministri Edi Rama ishte Sandër Lleshi. I ftuar në “Opinion”, Lleshi është shprehur se këtë propozim e kam mësuar vetëm 8 orë para se të bëhet publike.
Lleshi deklaroi se aktualisht është këshilltar për mbrojtjen i kryeministrit Edi Rama dhe mbi të gjitha ndan me të vizionin për Shqipërinë.
Lleshi: Ishte një ofertë e papritur. E kam marrë vesh të premten në darkë. Tetë orë para jush. Unë s’kam pasur ambicie politike. Unë jam këshilltar i kryeministrit dhe ndaj shumë gjëra me të. Ishte një propozim që unë nuk mund ta kundërshtoja pasi ndaj shumë gjëra me të. Në fakt unë jam propozuar për ministër i Brendshëm, dhe jo kryepolic i Shqipërisë. Në fushën e sigurisë kombëtare jam i specializuar.
