Statuja e Krishtit Shpëtimtar, në Rio de Janeiro në Brazil, është ndriçuar me flamujt e vendeve të prekura nga pandemia globale e COVID-19.
Mes tyre ndodhet edhe flamuri shqiptar, pasi tashmë numri i të infektuarve në vendin tonë ka shkuar në 64. Kreu i Shtetit, Ilir Meta, shprehet se ky është një solidaritet botëror, frymëzues dhe shpresëdhënës.
“Statuja e Krishtit Shpëtimtar, monument emblematik i qytetit të Rio de Zhaneiro dhe i Brazilit, është ndriçuar me flamujt e vendeve të prekura nga pandemia globale e #COVID19. Mes tyre është edhe flamuri shqiptar! Solidariteti botëror, frymëzues dhe shpresëdhënës!”.
Vendi ndodhet në ditën e shtatë të karantinës. Deri më tani në Shqipëri janë 64 persona të infektuar me COVID-19, nga të cilët dy kanë humbur jetën, dhe një është drejt shërimit. Ndërkohë sot, konfirmohen edhe 3 italianë të prekur nga virusi vdekjeprurës. Situata paraqitet më e rëndë në Tiranë me 45 të prekur.
