E enjte, 20 Janar, 2022
-3.5 C
Tirana

Fituesja e Nobelit për Paqe dënohet me 4 vite burg

Një gjykatë në Mianmar ka dënuar lideren e rrëzuar Aung San Suu Kyi me katër vite të tjera burg, në të fundit nga një seri gjyqesh. Ajo u dënua për posedim dhe import të paligjshëm të telekomandave dhe shkelje të rregullave të Covid-19.

Zonja Suu Kyi u dënua për herë të parë në dhjetor, dhe iu dha një dënim i reduktuar me dy vjet burg. Ajo është arrestuar që nga një grusht shteti ushtarak shkurtin e kaluar, dhe përballet me rreth një duzinë akuzash, të cilat ajo i mohon të gjitha.

Besohet se akuzat e së hënës burojnë nga kur ushtarët kontrolluan shtëpinë e saj në ditën e grushtit të shtetit, nga forcat e udhëhequra nga gjenerali Min Aung Hlaing, kur ata thanë se zbuluan pajisjet.

Gjyqi i së hënës në kryeqytet, Nay Pyi Taw, ishte i mbyllur për mediat dhe avokatët e zonjës Suu Kyi janë ndaluar të komunikojnë me median dhe publikun.

Dënimi i fundit do ta çojë totalin e saj në gjashtë vjet burg. Muajin e kaluar laureati i Nobelit u shpall fajtor për nxitje të mospajtimit dhe thyerje të rregullave të Covid-19, në atë që u dënua si një “gjyq i rremë” nga shefja e OKB-së për të Drejtat e Njeriut, Michelle Bachelet.

Human Rights Watch i quajti procedurat ligjore një “cirk gjykate të procedurave sekrete mbi akuza false… në mënyrë që (Aung San Suu Kyi) të qëndrojë në burg për një kohë të pacaktuar”.

Marrja e pushtetit nga ushtria në Myanmar shkurtin e kaluar erdhi disa muaj pasi Lidhja Kombëtare për Demokraci (NLD) e zonjës Suu Kyi fitoi zgjedhjet e përgjithshme të nëntorit 2020. Ushtria pretendoi për mashtrim të votuesve në fitore, megjithatë vëzhguesit e pavarur të zgjedhjeve kanë thënë se zgjedhjet ishin kryesisht të lira dhe të ndershme.

Grushti i shtetit shkaktoi demonstrata të gjera, dhe ushtria e Mianmarit ka goditur protestuesit pro-demokracisë, aktivistët dhe gazetarët.

Zonja Suu Kyi është një nga më shumë se 10.600 personat që janë arrestuar nga junta që nga shkurti, dhe të paktën 1.303 të tjerë të vrarë në demonstrata, sipas grupit të monitorimit të Asistencës për të Burgosurit Politik. Besohet se nëse shpallet fajtore për të gjitha akuzat me të cilat përballet, zonja Suu Kyi mund të dënohet me burgim të përjetshëm.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Basha i përgjigjet Metës pas takimit me Ballën

Kryedemokrati Basha ka dhënë garanci se PD nuk do t’i iki asnjë beteje, përfshirë edhe zgjedhjet vendore. Qëndrimi i tij pason pas deklaratës për...

Krijohet sistemi që “parashikon” pacientët më të rrezikuar me Covid-19

Shkencëtarët në Gjermani kanë zhvilluar një sistem të ri të inteligjencës artificiale, i cili analizon proteinat në një mostër të vetme gjaku te një...

PD po shkon drejt ndarjes?

Nga: Artur Ajazi Mendimi për një ndarje të mundshme të PD-së, po shprehet dhe promovohet hapur ditët e fundit në çdo ambient mediatik. Në dukje...

Në kërkim të racës Ariane: Misioni i bujshëm i nazistëve në pyjet e Amazonës

Nga: Pietro Emanueli Nazistët kishin një koncept racist mbi botën dhe marrëdhëniet ndërkombëtare, brenda së cilës Gjermania ishte qendra e gjithçkaje, dhe ishte mbi të...

Bardhi: Asnjë habi nga trekëndëshi i Bermudës.Reagon Blushi: Ç’na polli belaja!

Sekretari i Përgjithshëm i PD-së, Gazment Bardhi, ka reaguar sa i takon qëndrimit publik të presidentit Meta, pas diskutimit për datën e zgjedhjeve të...