Gazetari investigativ, Artan Hoxha, ka shpërndarë në rrjetet sociale një video të 21 janarit 2011 ku flet Ilir Meta. Në këtë video Meta dëgjohet duke thënë: “Fitore mbi fashizmin, fitore mbi spiunët”.
Bashkëngjitur kësaj videoje, Artan Hoxha shkruan: “E ka thene komandanti qe me 21 janar 2011-en, por nuk e besonte njeri!!! Shiko si e solli puna… Fitoren mbi fashizmin, fitoren mbi spiunët…”.
Dje, Ilir Meta tha se është verifikuar një herë për çështjen nëse ka qenë apo jo i përfshirë në Sigurimin e Shtetit. Meta deklaroi se është verifikuar që nga koha e “të madhërishmit Berisha”, siç e quajti ai vitin 1996.
“Do të mbajnë përgjegjësi ligjore. Jam 1 mln përqind i pastër. Jam verifikuar që në vitin 1996 kur ishte i madhërishmi Berisha. Unë e di shumë mirë kush e ka bërë këtë intrigë. Pikërisht sepse ka lindur një force e re politike, Partia e Lirisë”.
