Taulant Balla, kreu i grupit parlamentar të PS është shprehur se gjykata ka rrëzuar kallëzimin e bërë nga djali i ish-kryeministrit Sali Berishës, Shkëlzen Berishës për të. Balla theksoi pas vendimit të marrë nga gjykata, se tashmë është vërtetuar se Shkëlzen Berisha ka kryer evazion fiskal.
Balla u shpreh se kjo ishte një tjetër fitore e drejtësisë dhe se nuk janë përgjime, por prova konkrete se si djali i ish-kryeministrit u pasurua në kurriz të shqiptarëve.
“Dua të ndaj me ju një lajm tjetër të triumfit të drejtësisë lidhur me një rast të rëndësishëm që qartëson edhe arsyet se pse Sali Berisha, Ilir Meta, Lulzim Basha, Monika Kryemadhi janë turrur për të penguar sistemin e drejtësisë në Shqipëri, sepse gjykata sapo vendosi që të rrëzojë poshtë një kallëzim të bërë nga i biri i Sali Berishës dhe do i kërkoja gazetarëve publikut, të lexojë këtë vendim të arsyetuar të gjykatës ku konfirmohet që Shkëlzen Berisha ka kryer evazion fiskal dhe nuk ka kryer detyrimet tatimore të fitimeve marramendëse. Nuk janë përgjime por prova kuptimplota se si funksiononte regjimi aso kohe dhe se si pasurohej në kurriz të shqiptarëve. Sot kemi fituar një betejë tjetër”, deklaroi Balla.
