Bashkim Fino, kandidat për të marrë kreun e FSHF-së, i ftuar në emisionin “Fair-play” ka folur për skandalet që kanë ndodhur në Federatë nën drejtimin e Armand Dukës dhe për platformën e tij për 4 vitet e ardhshme.
Lista e anëtarëve të Asamblesë?
Në listën e anëtarëve që kanë të drejtë vote në Asamble ka shumë probleme. Edhe ju gazetarët keni një pjesë të fajit pasi vazhdoni ti përfshini në këtë listët shoqatat fantazmë. E dyta aty ka ekipe që janë shkrirë dhe nuk ekzistojnë më, por që kanë akoma të drejtë vote, si është e mundur kjo gjë. E trata aty nuk bëjnë pjesë ekipe që luajnë në kampionate të caktuara në Shqipëri, si Shënkolla dhe Orikumi, si ka mundësi kjo gjë. Unë di t’ju them që ajo listë hartohet nga një person dhe ai është Duka, që zgjedh anëtarët që i interesojnë për të marrë pjesë në votim që ai të mos rrezikojë pozicionin që mbanë. Pas 7 shkurtit kur unë të jem zgjedhur president i Federatë, kjo listë do të jetë në faqen zyrtare të FSHF-së dhe do ti bëhet çdo përditësim.
Për këtë pjesë kam dërguar edhe letër zyrtare UEFA-s dhe FIFa-s, por nuk pjesë që zgjidhjen ta gjejmë tek ata, por duhet të jenë edhe ata në dijeni për çdo gjë. Duka nuk ka marrë guximin deri sot që të na ftojë në zyrë mua dhe kandidatin tjetër, pasi ai qëndron akoma në zyrat e FSHF-së. Nuk e ka bërë dhe nuk e kuptoj pse, pasi do të ishte më mirë që ne të tre si kandidatë të shkonim tek anëtarët e Asamblesë dhe të paraqisnim platformën tonë, atëherë gjithçka do të ishte e pastër.
