Uniformat blu kanë bërë të mundur arrestimin e një 34-vjeçari të shpallur në kërkim. Në sajë të operacionit të koduar “Stadiumi”, është prangosur shtetasi A. J., 34 vjeç, banues në Shijak, i cili paraqiste rrezikshmëri shoqërore.
Ky shtetas, më datë 30 maj, te stadiumi në Shijak pas një konflikti për motive të dobëta, ka plagosur me armë zjarri pistoletë shtetasin E. I., 28-vjeç.
34-vjeçari rezulton i dënuar më parë për vjedhje me dhunë.
Shijak
Finalizohet operacioni policor i koduar “Stadiumi”.
Operacioni nga forcat operacionale të DVP Durrës, në bashkëpunim me Policinë e Shijakut.
Operacioni u zhvillua në kushte të larta sigurie.
U vu në pranga autori i dyshuar i plagosjes me armë zjarri të 28-vjeçarit, ngjarje e ndodhur te stadiumi në Shijak, më datë 30.05.2020.
34-vjeçari, i dënuar më parë për vjedhje me dhunë.
Strukturat e Drejtorisë Vendore të Policisë Durrës dhe të Komisariatit të Policisë Shijak, në vijim të punës për kapjen e personave në kërkim, bazuar në informacionet e marra në rrugë operative për vendndodhjen e një personi të shpallur në kërkim, organizuan dhe finalizuan operacionin policor të koduar “Stadiumi”.
Në kuadër të operacionit, i cili u zhvillua në kushte të larta sigurie pasi personi paraqiste rrezikshmëri shoqërore, u bë e mundur që në orët e para të mëngjesit të sotëm, në Shijak, në harkun kohor prej katër minutash, nga shërbimet e Policisë të kapej dhe të vihej në pranga shtetasi: A. J., 34 vjeç, banues në Shijak, i dënuar më parë për veprën penale “Vjedhja me dhunë”.
Ky shtetas, më datë 30.05.2020, rreth orës 20:45, te stadiumi në Shijak, pas një konflikti për motive të dobëta, ka plagosur me armë zjarri pistoletë shtetasin E. I., 28 vjeç.
Materialet i kaluan Prokurorisë së Rrethit Gjyqësor Durrës, për veprat penale “Plagosja e rëndë me dashje” dhe “Armëmbajtja pa leje”, për të cilën Kodi Penal parashikon dënimin me burgim deri në 7 vjet.
